SAIF-OPTIMA клиникаси 2004 йилдан жарроҳлик йўли билан даволашнинг бутун жаҳонда тан олинган усули ёрдамида катарактани муваффақиятли даволаб келмоқда. Ва 20 йил мобайнида пациентларга диагноз қўйиш ва даволашда, уларнинг сонини ошириш эмас, сифат учун кураш фаолиятимизнинг асосий тамойили ҳисобланади.
Бугунги кунда клиника ўз пациентларига нафақат анъанавий ультратовушли факоэмульсификацияни, балки 21 асрнинг энг янги технологияси – ФЕМТО З8 НЕО (Зиемер, Швейцария) билан катарактанинг Фемтолазер жарроҳлигини таклиф этади.
Катаракта жарроҳлигини фемтолазер билан бирга олиб бориш унинг сермашаққат ва мураккаб босқичларини юқори аниқлик ва хавфсизлик билан бажариш имконини беради.
Технология ҳақида
Замонавий катаракта жарроҳлиги операциянинг фемтосекунд-лазер ҳамроҳлигида ўтказилишини назарда тутади.
Клиникамизда биз ФЕМТО З8 Нео (Зиемер, Швейцария) – замонавий фемтосекунд лазердан фойдаланамиз. Қисқа, юқори частотали импульслардан фойдаланиш туфайли лазер кўз тўқималарининг шикастланишини сезиларли даражада камайтиради.
FEMTO Z8 Neo нафақат бевосита лазер тизими, балки юқори технологияли ДТ бўлиб, унинг ёрдамида шифокор операция босқичларини дастурлаштиради. Лазер катаракта жарроҳлигининг ҳар қандай: шох пардадан тортиб мураккаб бўлган босқичларини юқори аниқлик билан бажаришга имкон беради, шунингдек, бу операцияни узоқни кўра олмаслик, глаукома, шох парда патологияси, псевдоэксфолиатив синдром, ёшга боғлиқ макулопатия, қандли диабет ва жарроҳлик натижаларига таъсир қилувчи бошқа патологиялар каби мураккаб ҳолатларда янада хавфсизроқ бажариш имконини беради.
Фемтолазер катаракта жарроҳлигининг афзалликлари:
- Шифокорнинг қўлда амалга оширган манипуляциясига қараганда юқори аниқлик: инсон омили туфайли хато эҳтимоли камаяди
- Барча манипуляциялар маълум бир беморнинг анатомиясини ҳисобга олган ҳолда алоҳида дастурлаштирилади
- Тезкор реабилитация: лазер кўз гавҳарини олиб ташлаш учун ишлатиладиган ультратовуш даражасини пасайтиради, бу эса муолажани камроқ шикастлантирувчи қилади
- Операциядан кейинги асоратлар хавфи камаяди
- Катарактанинг мураккаб турларини юқори аниқлик билан муваффақиятли операция қилиш қобилияти кўз гавҳари янада барқарор ҳолатда бўлишини таъминлайди.
Операцияни қачон қилиш керак?
Қанчалик тез бўлса, шунча яхши!
Биринчидан, катарактанинг кечки босқичларида сунъий гавҳарни танлаш мураккаброқ бўлади, бу операциядан кейин яхши кўриш учун жуда муҳимдир.
Иккинчидан, операцияни эрта босқичларда ўтказиш хавфсизроқ. Кечки босқичларда катарактага бошқа касалликлар қўшилиши мумкин, бу эса даволашни мураккаблаштиради.
Учинчидан, ўз вақтида қилинган операция Сизга тўлақонли ҳаёт тарзини олиб бориш ва дунёни янгича кўриш имконини беради.
Даволаш босқичлари
1-босқич
Комплекс диагностика
2-3 соат
2-босқич
Операция
20 дақиқа
3-босқич
Операциядан кейинги кўрик
30 дақиқа
Операция қандай ўтади?
- ОКТ маълумотлари асосида шох пардага кириш параметрлари ҳисобланади
- Фемтосекунд лазер олдиндан ҳисобланган параметрларни ҳисобга олган ҳолда шох пардага кириш имкониятини яратади
- Лазерли капсулорексис: кўз гавҳарининг олдинги капсуласида гавҳар моддасига киришни очадиган думалоқ тешик амалга оширилади. Манипуляциянинг аниқлиги жарроҳнинг қўлда амалга оширадиган манипуляциясига қараганда анча юқори
- Лазер нурлари атрофдаги тўқималарга таъсир қилмасдан кўз гавҳарининг фрагментланишини амалга оширади.
- Кўз гавҳари суюқ эмулсияга айланади ва махсус қурилма ёрдамида чиқарилади
- Кўз гавҳари капсуласига сунъий линза имплантация қилинади
Биз ИОЛнинг қандай турларидан фойдаланамиз?
Клиникамиз ўзининг даволаш ишларида иккита энг йирик ва текширилган тайёрловчилар – ZEISS ва Medicontur ишлаб чиқарган ИОЛнинг ҳар хил турларидан фойдаланади.
ZEISS AT LISA
мақбуллаштирилган асферик оптикали мультифокал линза, контраст сезувчанликни, равшанлик чуқурлигини ва анча ўткир кўришни таъминлайди.
ZEISS AT LISA toric
Бир вақтнинг ўзида астигматизмни коррекциялаш ва узоқни ва яқинни кўришни яхшилаш билан бир вақтда катарактани даволаш учун мўлжалланган. У астигматизмни катта аниқликда коррекциялаш ва пациентга энг юқори кўриш ўткирлигини таъминлаш имконини беради.
ZEISS AT LISA tri
Ўрта масофаларда кўришнинг ҳақиқий сифатини яхшилаш учун мўлжалланган биринчи трифокал интраокуляр линза. Юқори контраст сезувчанликни таъминлайди, у эса сутканинг қоронғи вақтида пациентнинг кўриш қобилиятини яхшилайди.
Medicontur дан Liberty677MY
яқин, ўрта ва узоқ масофаларда кўришни тиклаш учун мўлжалланган. Қиррасининг 360° айлана бўйича махсус тўғри бурчакли дизайни кўз гавҳари орт капсуласи хиралашишининг олдини олади.
SAIF-OPTIMA кўз клиникасида катарактани даволашнинг афзалликлари
Замонавий диагностика
Бизнинг пациентларимиз энг замонавий ускуналарда тўлиқ ва сифатли кўрикдан ўтадилар. Биз бу мақсадлар учун қуйидаги ноёб приборларга эгамиз:
- машҳур Carl Zeiss компаниясининг IOL Master 700 прибори, у кўзга тегмасдан унинг оптик параметларини автоматик аниқлаш имконини беради.
- Шох парда, кўз гавҳари ва олд камера бурчаги параметрларини аниқлаш учун CASIA2 (Tomey, Япония) томографида кўз олд бўлаги ОКТ.
- Шох парда шаффофлигини таъминлайдиган эндотелиал ҳужайраларни ҳисоблаш учун EM-4000 Tomey эндотелиал микроскопи, уларнинг ҳолатини операцияни режалаштиришдан олдин баҳолаш жуда муҳим.
Ўта аниқ жарроҳлик
Клиника катарактанинг янада мукаммал ва имкон қадар хавфсиз жарроҳлигини ўтказиш учун операция хонасини офтальмологик ускунанинг ноёб комплекси билан жиҳозлади. Бу комплекс ўз ичига қуйидагиларни олади:
Ноёб замонавий ZEISS CALLISTO eye ускунаси – яхлит бир тизим сифатида ZEISS OPMI LUMERA 700 микроскопининг интраоперацион навигацияси ва бошқаришнинг энг янги тизими.
Жуда ажойиб ZEISS оптикаси ва IDIS интеграциялашган тизими энг охирги технологиялардан фойдаланиш имконини беради ва торик, мультифокал интраокуляр линзаларни аниқ марказлаштиришни таъминлайди.
CENTURION Vision System янги авлод жаррохлик тизими
Тажрибали мутахассислар
Операцияларни энг яхши мутахассислар ўтказади:
Салиев Иқбол Фазилович – тиббиёт фанлари номзоди, олий тоифали врач, Европа катаракта ва рефракция жарроҳлари жамияти (ESCRS) нинг аъзоси, Ўзбекистонда биринчи марта факоэмульсификация усулини жорий этган ва 20 мингдан ортиқ пациентни муваффақиятли операция қилган.
Муҳамедова Назокат Исмоиловна – олий тоифали врач, Туркия офтальмологлар жамиятининг аъзоси, 8 йил давомида муваффақиятли операциялар қилиб келмоқда ва унинг ҳисобида ундан мамнун бир неча минг пациент бор.
Қўлланиладиган материалларнинг сифати
Биз хиралашган кўз гавҳарини алмаштириш учун фақат жаҳондаги етакчи ишлаб чиқарувчиларнинг сифатли интраокуляр линзалари (асферик, торик, трифокал, трифокал торик, EDOF фокус чуқурлиги оширилган линзалар) дан фойдаланамиз. Бу операциядан кейин кўришнинг энг яхши ўткирлигини ва ҳаётнинг сифатли даражасини таъминлайди. Бундай линзалар вақт ўтиши билан алмаштиришни талаб қилмайди ва яроқлилик муддатига эга эмас.
Танлов ўзингиздан!
Сизга соғлиғингиз эвазига тежамкор бўлиш зарурми?
Ўйлаб кўринг… янги смартфон олгандан кўра янги, сифатли кўришга эга бўлиш яхшироқ эмасми?
Ўзингиз учун замонавий офтальмологияда айни вақтда мавжуд бўлган охирги авлод технологияларини танланг
Ва бунда Сизга SAIF-OPTIMA кўз клиникасининг профессионаллари ҳар доим ёрдам беради.
Қабулга ёзилинг
Қабул вақти:
Душанба - Жума - 9:00 дан 16:00 гача
Шанба - 9:00 дан 14:00 гача
Якшанба - дам олиш куни
Тошкентдаги манзил:
Узбекистон, Тошкент ш., Алимкент 1-тор, 32
Андижондаги манзил:
Андижан ш., Чуама, 73
