Лазерли коррекция нима?
Кўришни лазерли коррекциялаш – 10 дақиқа ичида Сизга яхши кўришни қайтара оладиган муолажа. У мутлақо оғриқсиз ва хавфсиз, бунга бизнинг минглаб пациентларимиз ишонч ҳосил қилдилар.
Операциянинг ушбу турида лазернинг “совуқ” нури шох парданинг ўта юпқа қатламини нуқтали буғлатади, бу билан унинг эгрилигини ўзгартиради.
Бу кўзда ёруғлик синишини ўзгартириш, уни бевосита тўрпардага тўплаш ва турли масофалардаги предметларнинг аниқ тасвирини кўриш имконини беради.
Лазерли коррекциянинг қандай турлари мавжуд?
Бизнинг клиникамизда Сиз албатта Сизга тўғри келадиган лазерли коррекция турини танлашингиз мумкин бўлади.
Усулларимизнинг энг асосий афзаллиги – контактсизлик ва жарроҳлик пичоғидан эмас, балки лазердан фойдаланиш.
Кўришни лазерли коррекциялаш қуйидаги имкониятларни беради:
- Узоқни яхши кўрмасликни коррекциялаш –12 D гача
- Aстигматизмни коррекциялаш –6D гача
- Узоқни яхши кўришда кўришни яхшилаш +6D гача
- Шох пардани мустаҳкамлаш (кератоконусда кроссликинг ёрдамида).
Лазерли коррекцияга қарши кўрсатмалар:
Доимийлари
- Юқори даражадаги амблиопия
- Кўрув нервининг атрофияси
- Глаукома
- Катаракта
- Ривожланиб бораётган кератоконус
- Тўр парданинг қатламланиб кўчиши
- Қандли диабет
- Бириктирувчи тўқиманинг тизимли касалликлари
- Ягона кўрадиган кўз
Вақтинчалик
- Кўзнинг инфекцияли-яллиғланиш касалликлари
- Ривожланаёган узоқни яхши кўра олмаслик (лазерли коррекция ҳолат барқарорлашгандан сўнг ўтказилади).
- Тўр парданинг дистрофик ўзгаришлари
- Ҳомиладорлик ва лактация даври
SAIF-OPTIMA клиникасида кўришни лазерли коррекциялашнинг афзалликлари
Сифатли диагнозлаш
Бизнинг пациентларимиз энг замонавий ускуналарда тўлиқ ва сифатли кўрикдан ўтадилар. Биз бу мақсадлар учун қуйидаги ноёб қурилмаларга эгамиз:
- Шох парда параметрларини аниқлаш учун CASIA2 (Tomey, Япония) томографида кўз олд бўлаги ОКТ.
- МДҲ мамлакатларида ўхшаши бўлмаган, нурларни трассировкалаш функциясига (Ray tracing) эга бўлган, офтальмологияда 5 та муҳим қурилма: аберрометр, авторефрактометр, кератометр, пупиллометр ва шох парда топографи ролини бажарадиган iTrace ускунаси.
- Topolyzer Vario WAVELIGHT кератотопографи шох парда номунтазамлигининг юқори даражаси ва рефракция оғишишларининг мураккаб турлари бўлган пациентларни текширишда натижалар аниқлигини таъминлайди ва лазерли коррекциянинг Contoura Vision каби турини амалга ошириш имконини беради.
Ўта аниқ жарроҳлик
Клиника янада мукаммал ва имкон қадар хавфсиз жарроҳликни ўтказиш учун лазерли операция хонасини офтальмологик ускунанинг ноёб комплекси билан жиҳозлади:
Ziemer Femto Z8 Neo (Швейцария) ноёб фемтосекундли лазери энергиянинг жуда қисқа импульсли ва юқори частотали паст даражасида ишлайди. Бундай жараёнда кўз тўқималари юқори энергетик лазерлардан фойдаланишга нисбатан анча камроқ шикастланади.
WaveLight® EX500 эксимер лазери бугунги кунда жаҳонда энг тезкор эксимер лазер ҳисобланади. Юқори самарадорлик WaveLight® алгоритми ва янада тез ишлайдиган лазер каллаги билан таъминланади, бу муолажани пациент учун анча қулай қилади ва мақбул натижаларни таъминлайди.
Тажрибали мутахассислар
Солиев Иқбол Фозилович – тиббиёт фанлари номзоди, олий тоифали врач, Европа катаракта ва рефракция жарроҳлари жамияти (ESCRS) аъзоси, у Ўзбекистонда биринчи марта Фемтоласик усулини жорий этган ва 20 мингдан ортиқ пациентни муваффақиятли операция қилган.
Муҳамедова Назокат Исмоиловна – олий тоифали врач, Туркия офтальмологлар жамиятининг аъзоси, 5 йил мобайнида лазерли коррекция операцияларини муваффақиятли ўтказиб келмоқда ва унинг ҳисобида бир неча минг миннатдор пациент мавжуд.
Танлов ўзингиздан!
Сизга соғлиғингиз эвазига тежамкор бўлиш зарурми?
Ўйлаб кўринг… янги смартфон олгандан кўра янгидан, сифатли кўришга эга бўлиш яхшироқ эмасми?
Ўзингиз учун замонавий офтальмологияда айни вақтда мавжуд бўлган охирги авлод технологияларини танланг
Ва бунда Сизга SAIF-OPTIMA кўз клиникасининг профессионаллари ҳар доим ёрдам беради.
Қабулга ёзилинг
Қабул вақти:
Душанба - Жума - 9:00 дан 16:00 гача
Шанба - 9:00 дан 14:00 гача
Якшанба - дам олиш куни
Тошкентдаги манзил:
Узбекистон, Тошкент ш., Алимкент 1-тор, 32
Андижондаги манзил:
Андижан ш., Чуама, 73
